قصة المثل أن الشيخ كان من الأشخاص المشهورين بالحلم والحكمة
ولا يغضب أبداً
والكلام ما كان مقنع بالنسبة لي واحد
أصر إنو يزعل الشيخ فرح
مشى لي الشيخ فرح في البيت
لقاهو شغال بيبني في راكوبة من قش
وبربط في الحبال فوق الراكوبة يعني قرب ينتهي
طلع مع الشيخ فرح في الراكوبة وبدأ يفرتق في القش
ويرمي فيهو في الأرض
قام الشيخ قال ليهو قلت كدا؟؟؟
والله خربانة أم بناياً قش
وقعد يفرتق معاهو في الراكوبة ويرمي في الأرض
فأصبحت مثلاً يذكر عندما يتعمد شخص تعصيب شخص آخر
من حكم الشيخ فرح ودتكتوك عن الدنيا_______________________
لمن تعاكس تنكسر في الدواك عاسوه
ولمن تجود تجيك من جبال قاسوه
_______
يقصد بالدواك عاسوه الدوكه المصنوعة من الفخار والطين وتستعمل في العواسه للكسره او الابريه اما جبال قاسوه هى مرتفعات في منطقه الصعيد او مايسمى جنوب النيل الازرق
[b]
الرئيسية 
